O Premio ó Mellor Proxecto Fin de Carreira (PFC) con Software Libre 2008 ten como obxectivo fomentar o acercamento e coñecemento dos estudantes universitarios galegos sobre o Software Libre (SwL).

O obxectivo do Premio é que moitos dos PFCs que se presentan cada ano nas diferentes escolas e facultades de Galicia sexan desenvolvidos como Software Libre, premiando o mellor deles con 1,000 € e a difusión pública do mesmo.

Período de inscripción

Ata 31 de outubro de 2008, a través do formulario de inscripción habilitado para tal efecto.

Blog Premio

Blog Premio PFC con Software Libre

Resolución e entrega do Premio

O Premio entregarase no salón de actos da Escola Técnica Superior de Enxeñería da Universidade de Santiago de Compostela, na segunda semana de novembro de 2008 (data por confirmar).

Descripción Xeral

O concurso do Premio ó Mellor Proxecto Fin de Carreira (PFC) con Software Libre 2008 consiste na presentación e desenvolvemento dun PFC que cree un novo proxecto de Software Libre ou ben mellore un existente, utilizando para elo unha implementación libre de calquera linguaxe de programación.

Os concursantes deberán estar matriculados nalgunha das tres universidades galegas e os seus PFCs deberán ser defendidos, cunha nota mínima de 5.0, nalgunha das convocatorias do ano académico 2007-08, sendo este requisito indispensable para poderen participar no concurso.

Todos os proxectos deberán estar rexistrados na forxa de mancomun, no tópico habilitado para tal efecto, ainda que utilicen outros repositorios de código e listas de correo. 

Recorda, cando antes o inscribas e maior actividade teñas nos repositorios públicos, maiores posibilidades terás de gañar.

Desenvolvemento e licencia do código

• Os PFCs inscritos para o Premio deberán estar dados de alta na forxa de Mancomun: Iniciativa galega polo Software Libre.
• O código deberá estar baixo calquera das licencias de software libre consideradas pola Free Software Foundation (FSF) ou a Open Source Initiative (OSI).

Criterios de avaliación

• Calidade do proxecto: deseño e implementación.
• Nivel de actividade pública do traballo. Valorarase a publicación continúa do traballo e resultados que se vaian acadando, sexa utilizando as listas de correo dun proxecto existente, as da forxa de mancomun.org ou calquera outro medio web, coma por exemplo blogs persoais.

Xurado

• Igalia Free Software Engineering (2 persoas): 2 socios da empresa.
• Universidades galegas (3 persoas): os directores/decanos das tres escolas/facultades de informática, ou a persoa na que deleguen.
• Mancomun.org (1 persoa): o coordinador de mancomun.org, ou a persoa na que delegue.

Premio

Outorgarase un único Premio de 1,000 € ó mellor PFC inscrito no concurso e defendido, cunha nota mínima de 5.0,  en calquera convocatoria ordinaria ou extraordinaria anterior a data de entrega do Premio. Ademáis, se o xurado o considerase adecuado, podería ser tamén entregado un accésit de 500 €.

O Premio poderá ser declarado deserto no caso de que ningún dos presentados reuna a calidade mínima necesaria.